६ मंसिर २०८३, आइतबार | November 22, 2026

एमाले विरुद्ध मिडियाको समेत तागद प्रयोग भयो : उपाध्यक्ष पौडेल



बुटवल । नेकपा एमालेका उपाध्यक्ष विष्णु पौडेलले नेकपा एमाले विरुद्ध मिडियाको तागद प्रयोग भैरहेको आरोप लगाएका छन् ।

बुधबार प्रेस चौतारी नेपाल रुपन्देहीले आयोजना गरेको सम्मान कार्यक्रममा बोल्दै उपाध्यक्ष पौडेलले एमालेका विरुद्धमा मिडियाको प्रयोग भैरहेको बताउँदै त्यसलाई रोक्न प्रेस चौतारीले सकारात्मक भूमिका खेल्नुपर्ने बताए ।

एमालेले गरेका राम्रा कामहरुले चर्चा नपाउने तर उसले गरेका साना-साना कमजोरीहरुलाई भने खोजी-खोजी ठूलो विषय बनाएर समाचार बन्ने गरेको गुनासो गरे । सञ्चार माध्यमहरुले समेत एमालेले गरेका राम्रा कामहरुलाई बाध्यात्मक अवस्थामा मात्रै ठाउँ दिने गरेको उल्लेख गरे । एमाले विरुद्धका विभिन्न षड्यन्त्र तथा चुनौतीहरुसँग जुध्नका लागि प्रेस चौतारीमा आवद्ध सञ्चारकर्मीहरुले कलम चलाउनुपर्ने उनको सुझाव छ ।

पूर्व अर्थमन्त्री समेत रहेका पौडेलले आगामी आशन्न स्थानीय तहको निर्वाचनमा पार्टीले ६० प्रतिशत स्थानमा जित हासिल गर्ने दाबी गरेका छन् । एमालेले एक्लै चुनावमा गएर बहुमत हासिल गर्ने उनले बताए ।

अहिले पनि राष्ट्रिय राजनीतिको नेता एमाले नै भएको दाबी गर्दै भने उनले भने-‘यो देशको नेता नेकपा एमाले हो ।’ एमाले विरुद्ध गरिएको गठबन्धनले कुनै असर नगर्ने बताउँदै उनले पटका पड्काएर एमाले तर्सन्छ कि, भन्ने भ्रम नपाल्न आग्र गरे । ‘अन्य दलहरुले गठबन्धन गर्नु र नगर्नुमा कुनै तात्विक भिन्नता छैन ।

एमालेको विजयीलाई गठबन्धनले कुनै असर पार्नेवाला छैन ।’– उपाध्यक्ष पौडेलले भने । गत निर्वाचन भन्दा यस पटकको निर्वाचनमा गुणात्मक सफलता हात पार्ने उनको दाबी छ । पौडेलले एमालेले मात्रै बिकासको मोडल तयार पार्न सक्ने उल्लेख गरे । एमालेले गरेका ठूला ठूला बिकास निर्माणका कामहरुलाई जनतामा ल्याउन उनले सञ्चारकर्मीहरुलाई आग्रह समेत गरे ।

कार्यक्रममा प्रेस चौतारीको केन्द्रीय सचिवमा निर्वाचित प्रदिप आचार्य, केन्द्रीय सदस्यहरु अमृत गिरी, मिलन गाहा, अमृता अनमोल, नवराज कुँवर, युवराज पाण्डे, साबि रसाइली तथा दिपु पोखरेललाई सम्मान तथा बधाई ज्ञापन गरिएको थियो । यसैगरी लुम्बिनी प्रदेश महासचिवमा निर्वाचित निरु गौतम, गोविन्द घर्ती, सत्यनारायण मानन्धर, शान्ती बिक, माधव न्यौपाने, शसी पन्थी, कृष्ण खनाल, मनिष पन्थ तथा मोहन ठाकुरलाई बधाई तथा शुभकामना व्यक्त गरिएको थियो ।

कार्यक्रममा बोल्दै प्रेस चौतारी केन्द्रीय सचिव प्रदिप आचार्यले सशक्त र निस्पक्ष भएर कलम चलाउनुका साथै आसन्न स्थानीय तहको निर्वाचनमा पार्टीलाई थप सशक्त बनाउने गरि कलम चलाउन आग गरे । प्रेस चौतारी रुपन्देही अध्यक्ष लक्षमण पौडेलको अध्यक्षतामा भएको कार्यक्रममा उपाध्यक्ष भगवती पाण्डेले स्वागत गरेकी थिइन भने सचिव केशव भण्डारीले सञ्चालन गरेका थिए ।

प्रकाशित मिति : १६ चैत्र २०७८, बुधबार  ६ : २६ बजे

Your email address will not be published.

प्रधानमन्त्री शाह नयाँदिल्लीमा, राज्यमन्त्री जितिनद्वारा स्वागत

नयाँदिल्ली । प्रधानमन्त्री वालेन्द्र शाह दुईदिने राजकीय भ्रमणका लागि भारतको

प्रधानमन्त्री बालेन भारत प्रस्थान, लिएनन् सम्मान गारद

काठमाडौं । प्रधानमन्त्री बालेन्द्र शाह बालेन भारत प्रस्थान गरेका छन् ।

सामान्य रूपमा नयाँ दिल्ली प्रस्थान गर्दै प्रधानमन्त्री बालेन

काठमाडौं । प्रधानमन्त्री बालेन्द्र शाह बालेन आइतबार दिउँसो दुई दिने

कोरला नाकाबाट चार महिनामा सात हजार विद्युतीय सवारीसाधन आयात

मुस्ताङ । नेपाल–चीन सीमा कोरलानाबाट चालु वर्षको पहिलो चार महिनामा

मधेश सरकारमा एमाले, कांग्रेस र नेकपा सहभागी नहुने, होला त संसद् विघटन ?

काठमाडौं, ६ मंसिर । मधेश प्रदेशका नवनियुक्त मुख्यमन्त्री सरोजकुमार यादवले