काठमाडौं । प्रधानमन्त्री शेरबहादुर देउवाले भारतसँग थप ३ वटा हवाई रुट उपलब्ध गराउन माग गरेका छन् ।
भारत भ्रमणको क्रममा रहेका प्रधानमन्त्री देउवाले भारतीय समकक्षी नरेन्द्र मोदीसँगको भेटवार्तामा हवाई रुट उपलब्ध गराइदिन माग गरेका हुन् ।
देउवाले आफुले माग गरेको मोदीसँग द्वीपक्षीय वार्तापछि आयोजित संयुक्त पत्रकार सम्मेलनमा बताए । देउवाले भैरहवास्थित अन्तर्राष्ट्रिय विमानस्थलको सहज सञ्चालनका लागि सहयोग गर्न आग्रह गर्दै त्यसका लागि हवाई रुटको आवश्यकता औंल्याएका हुन् ।
देउवाले महेन्द्रनगर, नेपालगन्ज र जनकपुरबाट नेपाल प्रवेशको रुट मागेका हुन् । अहिले भारतले सिमराबाट मात्र नेपाल भित्रिने हवाई रुट उपलब्ध गराएको छ ।
देउवाले भारतीय समकक्षीसँग सीमा समस्याबारे पनि छलफल गरेको जनाए । पत्रकार सम्मेलनमा देउवाले भने ‘हामीले सीमा समस्याबारे छलफल गरेका छौं । र, मैले यसलाई द्विपक्षीय संयन्त्रहरुमार्फत समाधान गर्न प्रस्ताव गरेको छु ।’
प्रतिक्रिया