बुटवल । आगामी वैशाख ३० गते हुने स्थानीय तहको निर्वाचनमा रुपन्देहीको तिलोत्तमा-१ बाट खिमलाल पाण्डेले स्वतन्त्र उमेद्वारी दिने भएका छन् ।
नेत्रविक्रम चन्द विप्लव नेतृत्वको नेकपा माओवादीमा आवद्ध हुँदै आएका उनले आफूले स्वतन्त्र रुपले अध्यक्षमा उमेद्वारी दिने घोषणा गरेका हुन् ।
वडा तहमा रहेका विभिन्न सामाजिक संघ संस्थाहरुमा समेत आवद्ध हुँदै आएका उनले पार्टीबाट आफू अलग रहेर स्वतन्त्र रुपमा अध्यक्षको उमेद्वारी दिन लागेको जानकारी गराए ।
तिलोत्तमा-१ शंकरनगरमा विहिबार पत्रकार सम्मेलन गर्दै उनले आफ्नो जित निश्चित रहेको समेत दाबी गरे ।
विभिन्न ११ बँदे चुनावी प्रतिवद्धताहरु प्रस्तुत गर्दै पाण्डेले राजनीतिक दलहरु भित्र नातावाद र कृपावाद हावी भएका कारण त्यसबाट टाढा रहँदै निस्पक्ष रुपमा जनताको काम गर्न आफ्नो उमेद्वारी रहने उल्लेख गरे ।
२०५४ सालको स्थानीय निर्वाचनमा एमालेको तर्फबाट वडा सदस्य बनेका उनी नेकपा माओवादीहुँदै पछिल्लो ८ वर्ष विप्लव नेतृत्वको माओवादीमा आवद्ध भएका थिए ।
आफ्नो स्वतन्त्र उमेद्वारी घोषणासँगै उक्त पार्टीसँगको आवद्धता समेत टुँगिएर आफू स्वतन्त्र नागरिक मात्रै भएको उनले उल्लेख गरे ।
प्रतिक्रिया