नेपालगन्ज । नेपाली कांग्रेसले नेपालगन्ज उपमहानगरपालिकामा प्रशान्त विष्टलाई मेयरको उम्मेदवार बनाएको छ । नेपाली कांग्रेस नेपालगन्ज उपमहानगरपालिकाका सभापति समेत रहेका विष्टलाई कांग्रेसले मेयर पदको उम्मेवार बनाएको हो ।
पार्टीको १४ औं महाधिवेशनमा अत्यधिक मतका साथ नगर सभापतिमा निर्वाचित भएका विष्टको नेपालगन्ज नगर सभापतिमा यो तेस्रो कार्यकाल हो । नेपाली कांग्रेस लुम्बिनी प्रदेशको बैठकले आइतबार राती अवेर उम्मेदवार टुंगो लगाएको हो ।
नेपालगन्ज उपमहानगरपालिकाको मेयर पदका लागि टिकट लिन विष्टसहित २०७४ निर्वाचनमा पराजित डा. सुरेश कनोडिया, वर्तमान उपप्रमुख उमा थापामगर, निर्वतमान जिल्ला उपसभापति सुनिल नरसिंह राणा अन्तिम प्रतिस्पर्धामा थिए ।
केन्द्रीय गठबन्धनको निर्णय अनुसार नेपालगन्ज उपमहानगरपालिकामा नेपाली कांग्रेसले नगर प्रमुख र जनता समाजवादी पार्टीले उपप्रमुख पाएका छन् । जसपाका तर्फबाट उपप्रमुखमा कमरुद्धिन राई चुनाव लड्दैछन् । गठबन्धन भित्रकै माओवादी केन्दले्र भने छुट्टै उम्मेदवारी दिएर चुनावमा जाने निर्णय गरेपनि उम्मेदवारी घोषणा भने गरेको छैन । पार्टी केन्द्रको निर्णय विपरित जाँदा राम्रो नहुने भन्दै स्वतन्त्र उम्मेदवारी दिएर जाने विषयमा छलफल जारी रहेको माओवादी स्रोतले जनाएको छ ।
प्रतिक्रिया