एमालेबाट बुटवल उपमहानगरमा बाबुराम भट्टराईको उम्मेदवारी दर्ता (फोटो-फिचर)

बुटवल । नेकपा एमालेले बुटवल उपमहानगरको मेयरमा बाबुराम भट्टराईले उम्मेदवारी दर्ता गराएका छन् ।

बाजागाजा र दलबलसहित बुटवलको निर्वाचन अधिकृतको कार्यालयमा पुगेर सोमबार भट्टराईले उम्मेदवारी दर्ता गरेका हुन् । यसैगरी उपमेयरमा सावित्रा अर्यालको उम्मेदवारी दर्ता भएको छ ।

उम्मेदवारी दर्ताको क्रममा पार्टी उपाध्यक्ष बिष्णु पौडेलसहितका एमाले नेता कार्यकर्ताहरु मुख्य निर्वाचन अधिकृतको कार्यालय पुगेका थिए ।

उपाध्यक्ष पौडेलसँगै लुम्बिनीका अध्यक्ष लिला गिरी, हाल बुटवलका मेयर तथा एमाले केन्द्रीय सदस्य शिवराज सुवेदी, उप मेयर तथा केन्द्रीय सदस्य गोमा आचार्य, युवा नेता गोपाल रानासहितको टोली आयोगमा पुगेको थियो ।

उम्मेदवारी दर्ता गराउनु अघि सञ्चारकर्मीहरुसँग संक्षिप्त प्रतिक्रिया जनाउँदै भट्टराईले ‘समृद्ध बुटवल खुसी जनता’को संकल्प पूरा गर्न आफुले उम्मेदवारी दिएको बताए ।