बुटवल । स्थानीयतह निर्वाचनमा बुटवल उपमहानगरालिकाका लागि एमालेबाट मेयर पदका उम्मेदवार बावुराम भट्टराईले असार सम्ममा संघीय सरकारले बुटवल चौराहा देखि चिडियाखोला सम्मको बाटो नबनाए उपमहानगरकै बजेटबाट बाटो बनाएर देखाइदिने बताएका छन् । खबरकुरा अनलाईन टिभिसँग करा गर्दै मेयरका प्रत्यासी भट्टराईले संघीय सरकारको जिम्मेवारी अन्तर्गत पर्ने बाटो भएपनि बाटो समयमा नबनिदिँदा उपमहानगरलाई दोष आएको बताए ।
उनले बुटवललाई नमुना शहर बनाउने गरि आफु अगाडि बढेको बताउँदै पूर्ववत नगर प्रमुखले थालेका कामहरु पुरा गर्नु आफ्नो दायीत्व हुने बताए । उनले ५ वर्षको अवधिमा पूर्वाधार विकासका धरै काम भएको दाबी गर्दै नगर प्रमुखले मतदाताको मन जित्न भने नसकेको स्विकार गरे । ‘भोट दिइसकेपछि मतदाताको आफ्नो कुरा सुनोस भन्ने चाहना हुन्छ, तर परिणाम पछि मतदाताहरुको कुरा सुन्नेमा केही समस्या देखिएको पाइयो ।’ उनले भने ।
उनले बुटवलको मुख्य समस्या अव्यवस्थित बसोबास रहेको उल्लेख गर्दै मोतीपुर लगायतका स्थानका अव्यवस्थित बसोबास गरिरहेका नागरिकलाई व्यवस्थित गर्नु आफ्नो पहिलो काम हुने बताए ।
प्रतिक्रिया