बुटवल । स्थानिय निर्वाचन २०७९ लाई स्वच्छ र शान्तिपुर्ण बनाउन मानव अधिकारवादी पाँच संघसंस्थाहरुले बुटवलमा दबाबमुलक रयालि निकालेका छन् । नेपाल पत्रकार महासंघ रुपन्देही, मानव अधिकार तथा शान्ति समाज रुपन्देही, चादनी नेपाल रुपन्देही, सामाजिक परिवर्तन केन्द्र र सेतो गुरास रुपन्देहीको संयुक्त आयोजनामा विहिबार बुटवलमा सचेतनामुलक रयाली निकालेको हो ।
नेपाल रेडक्रस सोसाईटी, रक्तसंचार केन्द्र बुटवलबाट शुरु भएको रयाली अमरपथ हुदै बीपीचोकमा पुगेर कोणसभामा बदलिएको थियो ।
कोणसभामा बोल्दै केन्द्रिय अध्यक्ष गोबिन्द खनालले सबै नागरिक स्वतन्त्र र स्वच्छ निर्वाचनमा भाग लिन पाउनुपर्ने बताए । निर्वाचन नजिकिदै जादा निर्वाचन आचारसंहिता बिपरितका गतिविधि भैरहेको भन्दै उनले यसलाई राजनीतिक दलका नेताहरुले रोक्नुपर्ने सुझाव दिए ।
कार्यक्रममा नेपाल पत्रकार महासंघका केन्द्रिय सदस्य भवानी पाण्डे निर्वाचन आचारसंहिता सबैले पालना गर्नुपर्नेमा जोड दिए । आचारसंहिताको पालना भएमात्र लोकतन्त्रको पालना भएको मानिने उनको दाबी छ ।
कार्यक्रममा नेपाल पत्रकार महासंघ रुपन्देहीका अध्यक्ष रामराज पाखेरेल, एम्स कलेजका प्राचार्य दिपक ढकालले छोटोसमयका कारण सबै मतदातालाई सुसुचित गर्न कठिनाई भएको बताए ।
प्रतिक्रिया