सर्लाहीको धनकौलमा झडप, प्रहरीद्वारा ६ राउण्ड हवाईफायर, मतदान सुरु हुन सकेन

खबर कुरा
३० बैशाख २०७९, शुक्रबार
                 

सर्लाही । सर्लाहीको धनकौल गाउँपालिकामा राजनीतिक दलका कार्यकर्ताहरुबीच झडपपछि तनाब उत्पन्न भएको छ ।
झडपलाई साम्य पार्न प्रहरीले ६ राउण्ड हवाइ फायर गरेको छ ।

गाउँपालिकाका वडा नं. २ मा रहेको पशुसेवा मतदान केन्द्रमा कांग्रेस, माओवादी र एमालेका कार्यकर्ताबीच झडप भएको थियो । प्रहरीले समान्य बल प्रयोग गर्दा पनि झडपलाई साम्य पार्न नसकेपछि ६ राउण्ड हवाइ फायर नै गर्नुपरेको छ ।

मतदानस्थल र प्रतिनिधि छनोटबारे दलहरुबीच विवाद बढेपछि एकआपसमा ढुंगामुढा प्रहारपछि तनाब सुरु भएको थियो । अहिले तनाब साम्य हुने अवस्थामा पुगेको जिल्ला प्रहरी कार्यालय सर्लाहीले जनाएको छ । अवस्था सामान्य बनेपछि मतदान सुरु हुने जनाइको छ ।

यसमा तपाइको मत

Your email address will not be published.


*