बहुचर्चित भरतपुर महानगरमा मतगणना सुरू

खबर कुरा
३१ बैशाख २०७९, शनिबार
                 

चितवन । नेकपा माओवादी केन्द्रका अध्यक्ष पुष्पकमल दाहाल प्रचण्डको गृहनगर भएकै कारण उनका आलोचकहरुबाट बहुचर्चित र बहुविवादित बनाइएको भरतपुर महानगरपालिकाको मतगण्ना सुरु भएको छ ।

भरतपुरमा बिहान ११ बजेबाट मतगणना सुरु भएको हो । पहिलो बाकस वडा नं. १ को खोलिएको छ । भरतपुरमा गठबन्धन दलहरुको तर्फबाट माओवादीकी रेणु दाहाल मेयरको उम्मेदवार छिन् भने एमालेको तर्फबाट पूर्वप्रदेश सांसद विजय सुवेदी उम्मेदवार रहेका छन् । यस्तै, रेणुलाई मेयर दिएको भन्दै कांग्रेसमा असन्तुष्ट बनेका जगन्नाथ पौडेल पनि स्वतन्त्रबाट चुनाव लडेका छन् । पौडेलले उम्मेदवारी फिर्ता नलिएपछि भरतपुर थप चर्चामा रहेको थियो ।

१ लाख ८५ हजार मतदाता रहेको भरतपुर महानगरमा शुक्रबार भएको मतदानमा १ लाख २७ हजारले मतदान गरेका थिए ।

 

 

यसमा तपाइको मत

Your email address will not be published.


*