पोखरा । पोखरा महानगरको मतगणना ढिलोगरी सुरू भएको छ।
सर्वदलीय बैठक बस्न ढिलो भएका कारण मतगणना ढिलो सुरू भएको हो ।
पोखरा उपत्यका नगर विकास समितिको कार्यालयमा रहेको मुख्य निर्वाचन अधिकृतको कार्यालय र जिल्ला समन्वय समितिको सभाहलमा मत गणना थालिएको छ।
मतगणना वडा नं.१, १२ र २३ बाट सुरू भएको छ ।
पोखरामा हिजो भएको मतदानमा १ लाख ४३ हजार २१३ मत खसेको थियो।
पोखरामा एमालेका कृष्ण थापा, गठबन्धनको तर्फबाट एकीकृत समाजवादीका धनराज आचार्यबीच मुख्य प्रतिस्पर्धा हुने अनुमान छ । स्वतन्त्र उम्मेदवार गनेश पौडेलले पनि मतदातालाई राम्रै प्रभाव पारेको बताइएको छ ।
प्रतिक्रिया