बुटवल । त्रिभुवन अन्तरराष्ट्रिय विमानस्थल काठमाडौं पछि नेपाल मै पहिलो पटक भैरहवा स्थित गौतमबुद्ध अन्तरराष्ट्रिय विमानथलमा अन्तरराष्ट्रिय उडानलले अवतरण गरेको छ । आज बिहानै भैरहवाको आकाशमा परिक्रमा गर्दै गौतमबुद्ध अन्तरराष्ट्रिय विमानस्थलमा कुवेतको जजिरा एयरलाइन्सले पहिलो व्यवसायिक उडान सहित अवतरण गरेको हो ।
आजैबाट औपचारीक उदघाटन भएको सो विमानस्थदमा कुवेतबाट आएको जजिराको जेजेड आर ५४५ एयरवस ए ३२०–२३३ विमानले बिहान ७ बजेर १५ मनिेट जाँदा विमानस्थलमा अवतरण गरेको थियो ।
पहिलो अवतरण गरेको विमानमा सवार यात्रुहरुलाई भैरहवामा भव्य भव्य स्वागत गरिएको थियो।
कुवेतको जजिरा एयरलाइन्सको विमान सोमबार बिहान १ सय ७५ जना यात्रु बोकेर विमानस्थलमा अवतरण गरेको हो। सो विमानले आजै (सोमबार) नै ९० जना यात्रु बोकेर कुवेत फर्किनेछ ।
जजिरा एयरलाईन्स सोमबार, बुधबार र शुक्रबार सातामा ३ दिन राति पौने २ बजे भैरहवामा अवतरण गर्ने र सोही राति अढाई बजे फिर्ता हुने तालिका छ । जुलाईदेखि जजीराले दैनिक उडान भर्ने विमानस्थल प्रशासनले जानकारी दिएको छ ।
सन् २०१४ मा विमानस्थल आयोजना सुरु भएको थियो । करिब १० अर्बको लागतमा निर्माण सम्पन्न विमानस्थलमा ५८ करोड लागतको उपकरण जडित छ ।
पूर्वाधारको काम अझै बाँकी रहेको र यसलाई विस्तारै बढाउदै लैजाने बताइएको छ ।
पहिलो अन्तराष्ट्रिय व्यवसायिक उडान नागरिक उडडयनको लागि ऐतिहासिक क्षण रहेको नेपाल नागरिक उडडयनका महानिर्देशक प्रदिप अधिकारीले बताएका छन् ।
बुद्ध जयन्तीको अवसर पारेर आज विमानस्थलको प्रधानमन्त्री शेरबहादुर देउवाले उदघाटन गरेका छन् ।
प्रतिक्रिया