भरतपुर अपडेट : रेनुले अग्रता बढाउँदै

भरतपुर । चितवनको भरतपुर महानगरपालिकाको मेयरमा माओवादी केन्द्रकी रेनु दाहालको अग्रता बढ्दै गएको छ ।

आइतबार साँझदेखि लगातार पछि परेकी रेनु सोमबार साँझदेखि पुनः अघि बढ्न थालेकि थिइन ।
दाहालको अग्रता अहिले बढ्दै ९२ पुगेको छ ।

हालसम्मको मतगणनाअनुसार रेनुले ६ हजार २०७ मत ल्याएकी छिन् । उनलाई एमालेका विजय सुवेदीले ६११५ मतका साथ पच्छ्याइरहेका छन् ।

कांग्रेसका बागी उम्मेदवार जगन्नाथ पौडेलको पनि ३ हजार मत कटाएका छन् ।

उपमेयरमा भने सुरुदेखि नै कांग्रेसका चित्रसेन अधिकारी अघि छन् । अधिकारीले ७ हजार ५५८ मत ल्याएका छन् । उनलाई राप्रपाकी हिमला गुरूङले ५ हजार १० मत सहित पछ्याइरहेकी छन्।