बुटवल । आईतवार सांझ रुपन्देहीको तिलोत्तमा नगरपालिका वडा नं ३ सिमानगरकी १२ वर्षीया बालिका बलात्कृत भएकी छन् ।
बुटवल उपमहानगर पालिका वडा नं ११ का आफन्त पर्ने ५९ वर्षीय पुरुषले तिलोत्तमा-३ सीमानगरकी ति युवतीलाई बलात्कार गरेको प्रहरीले बताएको छ ।
बालिकालाई मिठाई खान जाने प्रलोभन देखाएर चिनजानका छिमेकीले नजिकैको तिनाउ खोलामा लगेर बलात्कार गरेको प्रहरी संगको प्रारम्भिक बयानमा स्वीकार गरेको ईलाका प्रहरी कार्यालय बुटवलका प्रमुख प्रहरी नायव उपरिक्षक ठग बहादुर केसीले बताए ।
बालिका चिच्याएपछि स्थानीयले उद्धार गरी प्रहरीलाई खबर गरेका थिए । त्यसपछि प्रहरी टोलिले तत्काल बुटवल उपमहानगरपालिका-११ का ५९ वर्षीय पुरुषलाई पक्राउ गरेको थियो केसीले भने ।
उनी विरुद्ध जिल्ला अदालत रुपन्देहीमा जबरजस्ती करणी उद्योगमा मुद्दा दर्ता गरी थप अनुसन्धान थालिएको केसीले बताए ।
बालिकालाई लुम्बिनी प्रादेशिक अस्पतालमा प्रारम्भिक उपचार गरी घर पठाइएको प्रहरीले जनाएको छ ।
प्रतिक्रिया