निजगढ अन्तर्राष्ट्रिय विमानस्थलमा लाग्यो पूर्णबिराम, विकल्प खोज्न सर्वोच्चको आदेश

काठमाडौं । सर्वोच्च अदालतले निजगढमा अन्तराष्ट्रिय विमानस्थल बनाउने बाटो बन्द गरिदिएको छ ।

सर्वोच्चका न्यायाधीसहरु न्यायाधीशहरु हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा, प्रकाशमान सिंह राउत र मनोजकुमार शर्माको बृहत पूर्ण इजलासले उत्प्रेषणको आदेशले निजगढमा अन्तर्राष्ट्रिय विमानस्थल बनाउने सरकारको निर्णय बदर गरिदिएको हो । यससँगै दशकौंदेखि चर्चामा रहँदै आएको निजगढ अन्तराष्ट्रिय विमानस्थल निर्माणको विषयमा पूर्णबिराम लागेको छ ।

पूर्ण इजलासले अन्तर्राष्ट्रिय विमानस्थल बनाउनुपर्ने भए ऐन, कानुन र विधिशास्त्रीय मान्यता अनुसार उपयुक्त विकल्प खोज्न परमादेश दिएको छ

वातावरण संरक्षणको नाममा सक्रिय केही अभियन्ता र वरिष्ठ अधिवक्ताहरुले निजगढमा विमानस्थल बनाउन नदिन सर्वोच्चमा रिट दायर गरेका थिए । उनीहरुले विमानस्थल निर्माण गर्दा अपुरणयीय वातावरणीय क्षति हुने जिकिर गरेका थिए ।