उद्योगमन्त्री बढुले ओलीको भाषणलाई स्तरहीन भनेपछि एमालेद्वारा संसदमा हंगमा

खबर कुरा
१३ जेष्ठ २०७९, शुक्रबार
                 

काठमाडौं । केपी शर्मा ओलीको भाषणलाईं उद्योगमन्त्री दिलेन्द्रप्रसाद बढुले दिएको प्रतिक्रियापछि एमालेका सांसदहरुले संसद बैठकमा हंगमा मच्चाएका छन् ।

बिहीबार बसेको बैठकमा एमाले अध्यक्ष केपी ओलीले सरकारले ल्याएको नीति तथा कार्यक्रम चास्नीमा नडुबाएको जेरीजस्तो भनेर दिएको अभिव्यक्तिलाई शुक्रबारको बैठकमा उद्योग वाणिज्य तथा आपूर्तिमन्त्री दिलेन्द्रप्रसाद बडूले भ्रष्टाचारको चास्नीमा डुबेकाले अरुलाई पनि सोही देखेको बताएका थिए । त्यसअघि बढुले प्रमुख प्रतिपक्षी दलका नेताको मन्तव्य स्तरहीन भएको आरोप लगाएका थिए । त्यसपछि एमालेका सांसदले सो अभिव्यक्ति रेकर्डबाट हटाउन माग राखेर विरोध जनाएका हुन् ।

एमालेका सांसदहरू आ–आफ्नो स्थानबाट उठेर विरोध जनाइरहेका छन् । आयल निगम खारेज गर्न आधा कमिसन खाइसकेको भन्ने एमाले अध्यक्ष ओलीको आरोप पुष्टि गर्न मन्त्री बडूले चुनौती दिएका छन् ।

यसमा तपाइको मत

Your email address will not be published.


*