तारा एयरको विमान थासाङ–२ मा फेला

खबर कुरा
१६ जेष्ठ २०७९, सोमबार
                 

काठमाडौं । बेपत्ता तारा एयरको विमान दुर्घटना भएको स्थल फेला परेको छ । नेपाली सेनाका प्रवक्ता नारायणप्रसाद सिलवालले मुस्ताङको थासाङ २ मा दुर्घटनाग्रस्त अवस्थामा फेला परेको जानकारी दिए ।

‘भीरमा दुर्घटनाग्रस्त भएको फेला परेको छ’, उनले भने ।स्थानीय शेर्पाहरुले दुर्घटनाग्रस्त अवस्थामा जहाज फेला पारेको सेनाले पुष्टि गरेको छ । सेनाको टोलि भने घटनास्थल पुगिनसकेको प्रवक्ता सिलवालले बताएका छन् । ठुलो हेलिकप्टर जान नसक्ने भएकाले सानो हेलिकप्टर लिएर सेना घटनास्थल पुग्ने प्रयासमा रहेको उनले बताए ।

हिजो बिहान पोखराबाट मुस्ताङको जोमसोमका लागि उडेको तारा एयरको नाइन एन एईटी कल साइन भएको ट्वीनअटर जहाज सम्पर्कविहीन भएको थियो । सो जहाजमा चालक दलका ३ सदस्यसहित २२ जना सवार थिए । हिजो दिनभर खोजी गरिए पनि नभेटिएपछि स्थगित गरिएको थियो । आज बिहान ५ बजेदेखि फेरि हवाई र स्थल दुवै तर्फबाट खोजी सुरु गरिएको थियो ।

यसमा तपाइको मत

Your email address will not be published.


*