तारा एयर दुर्घटना अपडेट : मृतकको शव संकलनपछि काठमाडौं ल्याइने

खबर कुरा
१६ जेष्ठ २०७९, सोमबार
                 

काठमाडौं । आइतबार बिहानदेखि वेपत्ता भएको तारा एयरको नाइन एन कलसाइनको विमान मुस्ताङको थासाङ गाउँपालिका–२ को सानोसरे भन्ने ठाउँमा दुर्घटनाग्रस्त अवस्थामा भेटिएको छ ।

दुर्घटनामा परेको सो विमानमा रहेका २२ जना यात्रुको मृत्यु भएको छ । मृतकमध्ये १० जनाको शव चिन्न सकिने अवस्थामा रहेको उद्दारमा संलग्न नेपाली सेनाले जनाएको छ ।

दुर्घटनामा परी मृत्यु भएका सबैको शव संकलन कार्य जारी रहेको नागरिक उड्डयन प्राधिकरणका उपमहाप्रबन्धक देवचन्द्रलाल कर्णले बताए । सुरक्षाकर्मीले यात्रुको शव संकलन, उनीहरुको सामानको संकलनको मुचुल्का तयार पारेपछि काठमाडौं ल्याइने छ ।

पोखराबाट जोमसोमका लागि उडान भरेको जहाज आज बिहान फेला परेको थियो । आइतबार बिहानदेखि सम्पर्कबिहीन जहाजलाई आज बिहान स्थानीय बासिन्दा र यार्सा टिप्न गएकाहरुले देखेपछि प्रशासनलाई खबर गरेका थिए । त्यसपछि कोवाङमा बसेको नेपाली सेना नेतृत्वको उद्दार कार्यदल घटनास्थलमा पुगेको थियो ।

यसमा तपाइको मत

Your email address will not be published.


*