सरकारले गोदावरी-फूल्चोकीलाई घोषणा गर्‍यो वन संरक्षण क्षेत्र

खबर कुरा
३ असार २०७९, शुक्रबार
                 

काठमाडौं । सरकारले गोदावरी-फूल्चोकीलाई वन संरक्षण क्षेत्र घोषणा गरेको छ । वन तथा वातावरण मन्त्रालयले नेपाल राजपत्रमा सूचना प्रकाशित गरेर ललितपुर र काभ्रेमा पर्ने वन क्षेत्रलाई संरक्षण क्षेत्र घोषणा गरेको हो ।

वन ऐन ०७६ को दफा १५ को उपदफा (१)ले दिएको अधिकार प्रयोग गरी ललितपुर र काभ्रेपलान्चोक जिल्लामा पर्ने वनलाई गोदावरी-फूल्चोकी वन संरक्षण क्षेत्र घोषणा गरिएको हो ।

३ वैशाख ०७२ मा सर्वाेच्च अदालतले गोदावरी-फूल्चोकी क्षेत्रलाई प्रचलित कानुनबमोजिम आरक्ष, निकुञ्ज वा जे उपयुक्त हुन्छ घोषणा गर्न आदेश दिएको थियो ।
ललितपुरको कोन्ज्योसोम गाउँपालिकाको पूर्वी सीमानादेखि काभ्रेतर्फको ५०.५३ हेक्टर राष्ट्रिय वन क्षेत्र पर्नेगरी सोही जिल्लाको पनौती नगरपालिका-१ र २ अन्तर्गत फूल्चोकी डाँडादेखि भर्याङ खोल्सी, साल्दुङ खोल्सी र ललितपुरको सीमानासम्मको राष्ट्रिय वनको भाग तथा भूपरिधीय क्षेत्र संरक्षण वनमा पर्नेछ ।

त्यस्तै, गोदावरी नगरपालिका-४ र ५ मा पर्ने जयभद्रे सामुदायिक वनदेखि पातलेछाप सामुदायिक वन क्षेत्र अन्तर्गतको राष्ट्रिय वन र निजी आवादी जग्गाको सीमासम्मको राष्ट्रिय वनको भाग तथा भूपरिधीय क्षेत्र पनि संरक्षण वनमा पर्नेछ ।

GaThaVaRa-FaLCaKa-VaNa-SaRaKaShhaNae-KaShhaTaRa-GhaShhaNae-GaRaKa-SaCaNa

 

 

यसमा तपाइको मत

Your email address will not be published.


*