काठमाडौं । नेकपा (एकीकृत समाजवादी) का अध्यक्ष माधवकुमार नेपालले अमेरिकी स्टेट पाटनरसिप प्रोग्राम ९एसपीपी० फिर्ता लिने या नलिने विषयमा गठबन्धनमा छलफल नभएको बताएका छन् ।
काठमाडौंमा आइतबार संचारकर्मीहरुसँगको अन्तक्रियामा अध्यक्ष नेपालले एसपीपी फिर्ता लिने वा नलिने भन्ने विषयमा डिटेलमा छलफल नभएको बताएका हुन् ।
नेपालले गठबन्धन बैठकमा प्रधानमन्त्री शेरबहादुर देउवाले राष्ट्रहित विपरीत हुने गरी कुनै पनि सम्झौता आफूबाट नहुने जानकारी गराएको भने बताए । उनले प्रधानमन्त्रीले बैठकमा र गृहमन्त्रीले संसदमा बोलिसकेपछि यसलाई धेरै शंका गरिरहन आवश्यक नभएको जिकिर गरे । उनले भने, ‘प्रधानमन्त्रीज्यूले नेपालको हितमाथि आघात पुग्ने कुनै पनि कागजमा, सम्झौतामा मबाट सही हुने छैन भन्नुभएको छ । यति क्याटागोरीकल्ली बोलिसकेपछि, गृहमन्त्रीले पनि संसदमा बोलिसकेपछि हामीले धेरै शंका गरिरहनुपर्ने आवश्यकता छैन । तर सजग भने भैरहनुपर्छ ।’
तर नेपालले भने सैन्य गठबन्धन वा सुरक्षा घेराभित्र वा छिमेकी देशको सुरक्षा संवदेनशीलता असर पार्ने गरी नेपाल जहाँसुकै गएर पनि स्पष्टसँग भन्नुपर्ने जनाए ।
प्रतिक्रिया