इस्लामावाद । पाकिस्तानले २० जना भारतीय कैदीहरूलाई रिहा गरेको छ।
कैद सजायँ भुक्तान गरेका २० जना कैदीलाई मानवीय आधारमा रिहा गरेको पाकिस्तानी विदेश मन्त्रालयले जनाएको छ । ती कैदी माछा मार्ने क्रममा पक्राउ परेका थिए ।
विदेश मन्त्रालयका प्रवक्ता असिम इफ्तिखार अहमदका अनुसार यी माछा मार्नेहरूलाई वाघा बोर्डर हुँदै भारत फर्काइएको छ।
उनले कैदीहरूको मुद्दाको मानवीय प्रकृतिलाई ध्यानमा राख्दै भारत फर्काइएको बताए । यस्तै भारत सरकारले पनि सोही भावनामा व्यवहार गर्ने अपेक्षा गरेको उनले बताए।
प्रतिक्रिया