काठमाडौं । ललितपुर र झापामा १५ र ११ वर्षीया बालिका बलात्कृत भएकी छन् । दुबै किशोरीहरुलाई प्रलोभनमा पारि २८ वर्षिय र २३ वर्षिय पुरुषले बलात्कार गरेको प्रहरीले जनाएको छ ।
मेचीनगर नगरपालिका–१३ चारआलीस्थित झिल जाने बाटोमा ती बालिकालाई अर्जुनधारा नगरपालिका–११ बस्ने २८ वर्षीय विपिन राईले मंगलबार राति बलात्कार गरेको प्रहरीले जनाएको छ । उनलाई बलात्कार गरेको अभियोगमा राईलाई बुधबार प्रहरीले पक्राउ गरेको छ ।
इलाका प्रहरी कार्यालय धुलाबारीबाट खटिएको प्रहरीले उनलाई पक्राउ गरेको हो ।
यता ललितपुरमा १५ वर्षीया किशोरी बलात्कृत भएकी छन् । उनलाई ललितपुर महानगरपालिका–२६ सुनाकोठी बस्ने ओखलढुङ्गा चिशङ्खु गढी गाउँपालिका–३ दियाले घर भएका २३ वर्षीय मिलन परियारले बलात्कार गरेको प्रहरीले जनाएको छ ।
बलात्कार गरेको अभियोगमा परियारलाई बुधबार नै प्रहरीले पक्राउ गरेको छ ।
ती किशोरीलाई विभिन्न प्रलोभनमा पारी जेठ १४ गते साँझ मिलनले बलात्कार गरेको प्रहरीले जनाएको छ ।
प्रहरी वृत्त चापागाउँबाट खटिएको प्रहरीले उनलाई पक्राउ गरेको हो ।
दुबै बतात्कारका घटनाको प्रहरीले आवश्यक अनुसन्धान गरिरहेको पनि प्रहरीले जनाएको छ ।
प्रतिक्रिया