मकवानपुरमा बसको ठक्करबाट रिक्सा चालकको मृत्यु

मकवानपुर । मकवानपुरको हेटौंडा उपमहानगरपालिका-१५ मा गएराती बसको ठक्करबाट रिक्सा चालकको मृत्यु भएको छ । रिक्सामा सवार एक जना गम्भीर घाइते भएका छन् ।

रिक्सा चालक बाराको रतनपुर घर भएका अन्दाजी २६ बर्षीय मिलन सुनारको उपचारको क्रममा चुरेहिल अस्पतालमा आज बिहान सवा ३ बजे मृत्यु भएको हो ।

घाइते भएका रिक्सामै सवार हेटौडा उपमहानगरपालिका-१२ का अन्दाजी ३५ बर्षिय सुवास सुनारको हेटौडा अस्पतालमा उपचार भइरहेको छ ।

पुर्व-पश्चिम राजमार्गमा पथलैयातर्फ जादै गरेको प्रदेश २-०३-००१ख ०२४२ नम्बरको बसले सुनार द्धय सवार ना २ अ ६४ नम्बरको अटो रिक्सालाई गएराती २ बजे ठक्कर दिएको थियो । बस चालक फरार रहेकाले खोजी भइरहेको प्रहरीले जनाएको छ ।