बुटवल । बजेट प्रस्तुतका लागि बसेको लुम्बिनी प्रदेशसभाको बैठक २५ मनिेटका लागि स्थगित भएको छ । प्रदेश सरकारका स्वास्थ्य राज्यमन्त्री बिमला वली प्रकरणको सरकारले जवाफ नदिँदा सम्म बैठक चल्न नदिने एमालेको घोषणासँगै बैठक २५ मिनेटलाई स्थगित भएको हो ।
बैठक प्रारम्भ भएको लगत्तै एमाले संसदीयदलको प्रमुख सचेतक भुमिश्वर ढकालले राज्यमन्त्री वली प्रकरणमा मुख्यमनत्रीको जवाफ माग गरेका थिए । सभामुख पूर्ण घर्तिले जवाफकालागि सरकारलाई निर्देशन गर्दै २५ मिनेटका लागि बैठक स्थगित गरेका छन् ।
लुम्बिनी प्रदेशमा अपरान्ह ४ बजे आर्थिक वर्ष ०७९–८० को बजेट बजेट प्रदेशसभामा बजेट प्रस्तुत गर्ने कार्यसूची थियो । एमालेले अवरोध गरेपछि बजेट पेश गर्न केहिबेर ढिलाइ हुने भएको छ।
प्रतिक्रिया