रुपन्देहीमा सीडीओ फेरिए, भरतमणी पाण्डे रुपन्देहीका नयाँ सीडीओ

काठमाडौं । गृह मन्त्रालयले दुईवटा जिल्लामा प्रमुख जिल्ला अधिकारी परिवर्तन गरेको छ । मन्त्रालयले मकवानपुर र रुपन्देही जिल्लाका प्रमुख जिल्ला अधिकारी परिवर्तन गरेको हो ।

गृह मन्त्रालयले रुपन्देहीका सीडीओ ऋषिराम तिवारीलाई गृहको अध्यागमनमा तानेर रुपन्देहीमा मकवानपुरका प्रमुख जिल्ला अधिकारी भरतमणि पाण्डेलाई पठाएको छ।

गृहले मकवानपुरमा भने सहसचिव राजेन्द्रदेव पाण्डेलाई नयाँ प्रमुख जिल्ला अधिकारीका रुपमा पठाएको छ ।