काठमाडौं । प्रतिनिधिसभा र प्रदेशसभाको निर्वाचन आगामी मंसिर २ गते एकैचरणमा गर्न निर्वाचन आयोगले सरकारलाई सिफारिस गरेको छ ।
बुधबार प्रधानमन्त्री शेरबहादुर देउवासँग प्रमुख निर्वाचन आयुक्त दिनेशकुमार थपलियासहितको आयोगको टोलीले मंसिर २ गते निर्वाचन गर्न सिफारिस गरेको हो ।
निर्वाचन एक चरण या दुई चरणमा गर्ने विषयमा व्यापक छलफल गरेपछि आयोगले सरकारलाई एकै चरणमा गर्न सिफारिस गरेको हो ।
प्रतिनिधिसभा र प्रदेशसभाको कार्यकाल सकिनुअघि अर्को कार्यकालका लागि आम निर्वाचन गर्न आयोगले आन्तरिक तयारी सुरु गरिसकेको छ । आयोगले मिति घोषणापछि १२० दिनको निर्वाचन अवधि चाहिने बताउँदै आएको छ ।
प्रतिक्रिया