वीरगन्ज । जनता समाजवादी पार्टी (जसपा)का अध्यक्ष उपेन्द्र यादवले बाबुरम भट्टराईको पार्टी फुटाउने योजना विफल बनाएको दाबी गरेका छन् ।
केन्द्रीय कार्यसमिति बैठकपछि आज बिहान वीरगन्जमा आयोजित पत्रकार सम्मेलनमा अध्यक्ष यादवले पार्टी फुटाउने षड्यन्त्र गरेकोले भट्टराईलाई कारबाही गरिएको बताए । पार्टी हितभन्दा विपरित काम गरेको पाइएकोले भट्राईसहित ९ जनालाई कारवाही गरिएको उनले जनाए ।
संघीय परिषद अध्यक्ष रहेका भट्टराईसहित ९ जनालाई जसपा कार्यसमिति बैठकले बिहीबार कारबाही गरेको थियो।
यादवले भने, ‘उहाँले पार्टी विभाजन गर्ने गरी जुन षड्यन्त्र गर्नुभयो त्यो पार्टी हितविपरीत थियो। त्यसैले उहाँलाई पद र जिम्मेवारीबाट मुक्त गरिएको हो,’
उनले भट्टराई सच्चिएर आए पार्टीमा राख्ने पनि बताए ।
अध्यक्ष यादवले रेणु यादवले पार्टी नछाडेको पनि स्पष्ट पारे । रेणुले बिहीबार आफू पार्टीको कुनै पनि जिम्मेवारीमा नरहने बताएकी थिइन्। तर यादवले भने, ‘उहाँको क्षणिक आक्रोश हो ।’
प्रतिक्रिया