बुटवल । बुटवल-११ देवीनगरस्थित गार्गी एकेडेमीले विद्यालयलबाट माध्यामिक शिक्षा परीक्षा (एसईई) उत्तीर्ण विद्यार्थीलाई मंगलबार बधाई तथा शुभकामना प्रदान गरेको छ ।
शैक्षिक सत्र २०७८ को एसईई परीक्षामा विद्यालयबाट ३३ जना विद्यार्थी सहभागी थिए । स्थापनाको छोटो समयमै यस क्षेत्रमा प्रतिष्ठित एवं उदयीमान शैक्षिक संस्थाको रूपमा विद्यालय स्थापित भइसकेको छ ।
साथै सो अवसरमा एसईईमा सहभागी हुने विद्यार्थीहरुलाई विभिन्न विषय अध्यापन गराई उत्कृष्ट नतिजा प्राप्त गराउन सफल विषय शिक्षकहरुलाई पनि सम्मान गरिएको थियो ।
कार्यक्रममा बोल्दै विद्यालयका प्राचार्य भुवन अधिकारीले छोटा समयमै विद्यालय अब्बल शैक्षिक संस्था रूपमा स्थापित भएको बताए । उनले विद्यालयका आउँदा शैक्षिक यात्रा झनै सुखद हुँदै जाने बताए ।
विद्यालय व्यवस्थापन समितिका अध्यक्ष रणबहादुर थापाले अरुको दबाबमा उच्च शिक्षा नरोजी आफ्नो क्षमता र रुचिलाई मध्येनगर गरी विषय छनौट गर्न विद्यार्थीलाई आग्रह गरे ।
विद्यालयका प्राचार्य भुवन अधिकारीको स्वागतमा भएको कार्यक्रममा विद्यालय शिक्षा उपसमिति सदस्य कमल नेपाल, विद्यालय सञ्चालक समिति सदस्य लोकराज शर्मा लगायत बोलेका थिए । कार्यक्रमको सञ्चालन नवराज न्यौपानेले गरेका थिए ।
प्रतिक्रिया