प्रतिनिधिसभा र प्रदेशसभाको निर्वाचन मंसिर ४ गते

खबर कुरा
१९ श्रावण २०७९, बिहीबार
                 

काठमाडौं । प्रतिनिधिसभा र प्रदेशसभाको निर्वाचन आगामी मंसिर ४ गते हुनेभएको छ ।

मन्त्रिपरिषद्को आज बसेको बैठकले मंसिर ४ गते एकैदिन देशभर प्रतिनिधिसभाको १६५ सिट र प्रदेशसभाको ३३० सिटका लागि निर्वाचन मिति घोषणा गरेको हो ।

मंसिर ४ गते एकैदिन निर्वाचन गर्ने मन्त्रिपरिषद् बैठकले निर्णय गरेको सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए ।

यसअघि बुधबार बसेको सत्ता गठबन्धनको बैठकले मंसिर ४ गते नै निर्वाचन मिति तोक्ने विषयमा सहमति गरेको थियो ।

निर्वाचन आयोगले पहिले नै मंसिर २ गते निर्वाचन मिति तोक्न सरकारलाई सिफारिस गरेको थियो । आयोगले १२० दिनको समयअवधि राखेर सिफारिस गरेको थियो । तर, सरकारले भने निर्वाचनका लागि १०७ दिनको अवधि राखेर मिति तोकेको छ ।

यसमा तपाइको मत

Your email address will not be published.


*