काठमाडौं । नेकपा माओवादी केन्द्र र नेपाल समाजवादी पार्टी (नेसपा)ले यौटै चुनाव चिन्ह प्रयोग गर्ने गरी निवेदन दर्ता गरेका छन् ।
आगामी मंसिर ४ गते हुने प्रतिनिधिसभा र प्रदेशसभा निर्वाचनमा माओवादीको गोलाकारभित्रको हंसिया हथौडा चुनाव चिन्हमा उम्मेदवारी दिने गरी दुवै पार्टीले निर्वाचन आयोगमा निवेदन दिएका हुन् ।
माओवादीको तर्फबाट शिव खकुरेल र जसपाको तर्फबाट फणिन्द्र देवकोटाले आयोग पुगेर निवेदन दर्ता गराएका हुन् । यससँगै कानूनी रुपमा बाबुराम भट्टराई नेतृत्वको नेसपालाई माओवादीको चुनाव चिन्ह प्रयोग गर्न पाउने बाटो खलेको छ ।
बाबुराम भट्टराई नेतृत्वको नेपाल समाजवादी पार्टीको चुनावमा एउटै चुनाव चिह्न हँसिया हथौडा प्रयोग गर्न गरेको प्रस्तावलाई मंगलबार बसेको माओवादी केन्द्रको स्थायी समिति बैठकले स्वीकृत गरेको थियो ।
यसपछि मंगलबार दिउँसो दुवै पार्टीका प्रतिनिधि आयोगमा पुगेर निवेदन दिएका हुन् । आउँदो ४ मंसिरमा हुने प्रतिनिधिसभा र प्रदेशसभा सदस्य निर्वाचनमा आफूहरुलाई एउटै चुनाव चिह्न हँसिया हथौडा प्रयोग गर्न दिन उनीहरुले माग गरेका छन् ।
प्रतिक्रिया