काठमाडौं । नेपाल भ्रमणमा रहेका चिनियाँ जनकंग्रेसका अध्यक्ष ली चाङ्सुले नेकपा एमालेका अध्यक्ष केपी शर्मा ओलीसँग भेटवार्ता गरेका छन् ।
नयाँ बानेश्वरस्थित संसद भवनमा दुई शीर्ष नेताबीच भेटवार्ता भएको हो । चिनियाँ कम्युनिष्ट पार्टीको स्थायी कमिटीका सदस्य समेत रहेका लीले अध्यक्ष ओलीसँग झण्डै ४५ मिनेट छलफल गरेका छन् । ओलीका साथ एमाले नेताहरु पनि सहभागी भएका थिए ।
चार दिने भ्रमणको क्रममा हिजो नेपाल आएका अध्यक्ष लीले यसपछि माओवादी अध्यक्ष पुष्पकमल दाहाल प्रचण्डसँग भेटवार्ता गर्दैछन् । लीले आजै परराष्ट्रमन्त्री नारायण खड्कासँग पनि भेट गर्दैछन् ।
यसैगरी राष्ट्रपति विद्यादेवी भण्डारी र प्रधानमन्त्री शेरबहादुर देउवासँग पनि ली ले शिष्टाचार भेट गर्ने कार्यक्रम रहेको छ ।
ली बिहीबार बिहान स्वदेश फर्किनेछन् ।
प्रतिक्रिया