लुम्बिनी प्रदेशस्तरीय छनौट प्रतियोगिता : बाँके र दाङलाई फुटबलको उपाधि

बुटवल । नवौ राष्ट्रिय खेलकुद २०७९ लुम्बिनी प्रदेशस्तरीय छनौट प्रतियोगिता अन्तरगत फुटबल प्रतियोगिताको पुरुषतर्फको उपाधि बाके र महिलातर्फको उपाधि दाङले हात पारेको छ ।

पुरुष-महिला दुबै फाईनल खेलमा बर्दिया जिल्लालाई पराजित गर्दै बाके र दाङ जिल्ला विजेता बनेको हो ।

देबिनगरस्थित एन्फा एकेडेमी खेलमैदानमा मंगलबार भएको फाईनल खेलमा पुरुषतर्फ बाँकेले बर्दियालाई ट्राईबेकरमा ५-४ गोल अन्तरले जित निकाल्यो ।

निर्धारित समयमा २-२ गोलको बराबरी भएपछि खेल ट्राईबेकरमा धकेलिएको थियो । यसैगरि महिलातर्फको फाईनल खेलमा दाङ र बर्दिया बिच निर्धारित समयमा समान १-१ गोलको बराबरी भएपनि ट्राईबेकरमा धकेलिएको थियो । ट्राईबेकरमा ५-४ गोल अन्तरले दाङ विजयी भएको हो ।

एक समारोहक बिच प्रदेश खेलकुद विकास परिषद लुम्बिनीका सदस्यसचिव जयप्रकाश भट्टराई, प्रशिक्षक संघका उपाध्यक्ष याम गुरुङले विजयी खेलाडीहरुलाई कप, मेडल तथा प्रमाणपत्र वितरण गरेका थिए ।