काठमाडौं । संविधानअनुसार नागरिकता विधेयक प्रमाणिकरण नगरेको भन्दै राष्ट्रपति विद्यादेवी भण्डारीविरूद्ध सर्वोच्च अदालतमा रिट परेको छ।
संघीय संसदको दुवै सदनले पारित गरेर प्रमाणिकरणका लागि पठाएपनि राष्ट्रपतिले प्रमाणिकरण नगरेर संविधान उल्लंघन गरेको आरोप लगाउँदै अधिवक्ता सुनिल रञ्जनसिंह लगायतले सर्वोच्चमा रिट निवेदन हालेका हुन्।
रिटमा संसदले पं्रमाणिकरणका लागि पठाएको विधेयक अस्वीकार गरेर राष्ट्रपतिले संसदीय सर्वोच्चता र संविधानको ठाडो उल्लंघन गरेको जिकिर गरिएको छ ।
सर्वोच्च प्रशासनले रिटको अध्ययन गरिरहेको जनाएको छ । राष्ट्रपतिको कदम विरुद्ध अरु रिट पनि परेको सर्वोच्च प्रशासनले जनाएको छ । रिटहरु दर्ताको प्रक्रियामा रहेका छन् ।
प्रतिक्रिया