१८ आश्विन २०७९, मंगलबार | October 4, 2022

दशैंको मुखमा ब्यापार नभएपछि नेपालगन्जका व्यवसायीले गरे आन्दोलनको घोषणा



नेपालगन्ज । दशैंको ब्यापार व्यवसायले गति लिने बेलामा बैंकहरुले ब्याज दर बढाउने र लगानीको प्रतिशत घटाउने निर्णय गरेपछि नेपालगन्जका व्यापारीहरुले आन्दोलनको घोषणा गरेका छन् । बैंकको चर्को ब्याजदर बृद्धि र कारोबारको २०-२५ प्रतिशतमात्र लगानी गर्ने नेपाल राष्ट्र बैंकको पछिल्लो नीतिको विरुद्ध व्यवसायीहरुले आन्दोलनको घोषणा गरेका हुन् ।

नेपालगन्ज उद्योग बाणिज्य संघले बिहीबार पत्रकार सम्मेलन गरेर राष्ट्र बैंको निर्णय विरुद्ध चरणबद्ध दबाबमूलक कार्यक्रम सार्वजनिक गरेको छ । बैंकको चर्को ब्याजदर बृद्धि र कारोबारको २०-२५ प्रतिशतमात्र लगानी गर्ने नेपाल राष्ट्र बैंकको पछिल्लो नीतिको विरुद्ध चरणबछ आन्दोलनको घोषणा गर्दै व्यवसायीहरुले अवैध सामान नियन्त्रणको माग राखेका छन् ।

पत्रकार सम्मेलनमा बोल्दै संघका अध्यक्ष अब्दुल वाहिद मन्सुरीका शुक्रबार नेपाल राष्ट्र बैंक, नेपालगन्जको कार्यालय अगाडि एक घण्टा धर्ना दिने एवं ज्ञापनपत्र बुझाउने कार्यक्रम रहेको जानकारी दिए । संघले आन्दोलनकै कार्यक्रम अन्तर्गत अवैध आयात नियन्त्रण र स्वदेशमै किनमेलको प्रोत्साहन गर्न नेपालगञ्ज भन्सार कार्यालय, जमुनाहा नाकामा उपभोक्ता सचेतना एवं दबाबमूलक कार्यक्रम गरिने पनि उनले बताए ।

अध्यक्ष मन्सुरीले कारोबार घट्दै गइरहेको बेलामा बैंक ब्याज बढाउने, लगानी फिर्ता माग्ने, कारोबारको २०÷२५ प्रतिशतमात्र लगानी गर्ने नीतिले व्यापारी तनावमा परेको बताए ।

कार्यक्रममा बोल्दै संघका महासचिव चिरञ्जीवी ओलीले सीमापारी मालामाल हुँदा वारी सुनसान हुने अवस्था आएकाले खुल्ला नाकालाई प्रश्रय दिने नीतिको विरोध गरिएको बताए ।

प्रकाशित मिति : ६ आश्विन २०७९, बिहिबार  १० : १५ बजे

निर्वाचन पर्यवेक्षकलाई यस्ता कुराहरु गर्न प्रतिबन्ध

काठमाडौं । निर्वाचन पूर्व दलको कार्यकर्ता बनेर सक्रिय राजनीति गर्नेहरु

एशियाको पानीको भण्डारमा जलवायु परिवर्तनको प्रभाव

जलवायु परिवर्तनका कारण पृथ्वीको तापक्रम दिनदिनै बढ्दै गएको छ ।

किसानलाई दशैँभन्दा खेतीपातीकै चिन्ता

कैलाली । कैलालीका किसानलाई दशैँ मनाउनेभन्दा पाकेको धान खेतीको चिन्ता

नवौँ राष्ट्रिय खेलकुद : म्याग्दीमा खेलमैदान तयार

म्याग्दी । म्याग्दीमा नवौं राष्ट्रिय खेलकुद प्रतियोगिता सञ्चालन हुने खेलमैदान

ज्याला नपाउँदा मजदुरले दशैँ मनाउन पाएनन्

कैलाली । बडादशैँको उमङ्ग र उत्साह यतिबेला सबैतिर छ ।