काठमाडौं । मंसिर ४ गते हुने प्रतिनिधिसभा र प्रदेशसभा निर्वाचनमा सेना परिचालन गर्नका लागि राष्ट्रपति विद्यादेवी भण्डारीले स्वीकृती दिएकी छिन् ।
सरकारले सेनालाई एकीकृत सुरक्षा कार्य योजना २०७९ अनुसार परिचालन गर्न राष्ट्रपतिसमक्ष सिफारिस गरेको थियो ।
भदौ १७ गते बसेको राष्ट्रिय सुरक्षा परिषद्को बैठकले गरेको सिफारिसका आधारमा भदौ २७ गते बसेको मन्त्रिपरिषद् बैठकले सेना परिचालन गर्ने निर्णय गरेको थियो । सुरक्षा निकायहरुबीच एकीकृत र समन्वयात्मक रुपमा सुरक्षा प्रदान गर्ने उद्देश्यले सरकारले सेनाको कमाण्डमा सबै सुरक्षा निकाय परिचालनको योजना बनाएको हो ।
राष्ट्रपतिले संविधानको धारा ६६ को उपधारा २ बमोजिम स्वीकृति प्रदान गरेको राष्ट्रपति कार्यालयले जनाएको छ ।
राष्ट्रपति नेपाली सेनाको परमसेनाधिपति रहेने व्यववस्था छ ।
प्रतिक्रिया