सभामुख र उपसभामुखको पदावधि कति हो ? राष्ट्रियसभा अध्यक्षले सोधे निर्वाचन आयोगलाई

काठमाडौं । राष्ट्रियसभाका अध्यक्ष गणेशप्रसाद तिमिल्सिनाले सभामुख र उपसभामुखको पदावधिबारे प्रष्ट पार्न निर्वाचन आयोगलाई पत्र लेखेकाछन् ।

आयोगलाई पत्राचार गर्दै तिमिल्सिनाको निजी सचिवालयले आयोगलाई पत्राचार गर्दै सभामुख र उपसभामुखको पदावधि खुलाउन निर्वाचन आयोगलाई असोज ६ गते पत्र लेखेको हो ।

आयोगले समानुपातिको बन्दसूची बुझाउने दिन असोज २ गतेबाट प्रतिनिधिसभा र प्रदेशसभाको कार्यकाल व्याख्या गरेको थियो । तर, सभामुख र उपसभामुखको पदावधि कतिसम्म हो भन्नेबारेमा आफुखुशी व्याख्या भैरहेको छ । सभामुख र उपसभामुखले प्रत्यक्षतर्फको निर्वाचनका लागि मनोनयन गर्नुअघि असोज २२ सम्म आफुहरुको पदावधि रहेको जिकिर गरेका छन् ।

यसबारे सर्वोच्च अदालतमा परेको रिट विचाराधीन रहेको छ । आजैमात्र सर्वोच्चले कारणदेखाउ आदेश जारी गरेको छ ।

सभामुख र उपसभामुखमा सत्तापक्षका नेता रहेका छन् भने राष्ट्रियसभा अध्यक्ष तिमिल्सिना प्रमुख प्रतिपक्षी नेकपा एमालेका नेता हुन् ।