काठमाडौं। जनता समाजवादी पार्टी (जसपा)का कार्यकारिणी सदस्य युवराज कार्कीले पार्टी परित्याग गरेका छन् ।
विराटनगरमा बुधबार पत्रकार सम्मेलन आयोजना गरी कार्कीले पार्टी परित्यागको घोषणा गरेका हुन् ।
कार्कीले पार्टी अध्यक्ष उपेन्द्र यादवले स्वेच्छाचारी रूपमा पार्टी
सञ्चालन गरेको आरोप लगाएकाछन् । पार्टीे परित्याग गर्नुपर्नाको कारण देखाउँदै उनले पार्टीमा फितलो राष्ट्रवाद, खस आर्यप्रति पूर्वाग्रह राख्ने र खस आन्दोलनलाई धोका दिएकाले पार्टी परित्याग गरेको आरोप लगाए । यद्यपी मोरङ २ मा जसपाले कार्कीलाई प्रतिनिधिसभाको उम्मेदवार बनाएपनि सो क्षेत्र कांग्रेसको भागमा पर्ने भएपछि पार्टी छोडेको आरोप उनका आलोचकले गरेका छन् ।
कार्कीको खस समावेशी राष्ट्रिय पार्टी १० वर्षअघि जसपामा समाहित भएको थियो ।
प्रतिक्रिया