काठमाडौं । विवेकशील साझा पार्टीका पूर्वअध्यक्ष रवीन्द्र मिश्र राप्रपामा प्रवेश गरेका छन् ।
काठमाडौंको राष्ट्रियसभागृहमा आज आयोजित पार्टी एकता सभामा मिश्रसमुह र राप्रपाबीच पार्टी एकता घोषणा भएको हो ।
राप्रपामा प्रवेश गरेसँगै मिश्र पार्टीको वरिष्ठ उपाध्यक्ष बनेका छन् ।
मिश्र अब राप्रामा अध्यक्ष राजेन्द्र लिङ्देनपछिको वरीयतामा रहनेछन् ।
काठमाडौं क्षेत्र नं. १ बाट प्रतिनिधिसभा निर्वाचनमा प्रतिस्पर्धा गर्ने तयारी गरेका मिश्रले यसअघि सोमबार मात्रै विवेकशील साझा पार्टीको साधारण सदस्यबाट समेत राजीनामा दिएका थिए ।
राजतन्त्रको पक्षधरता देखाएका मिश्रले संघीयता र धर्मनिरपेक्षतामाथि पनि जनमत संग्रहको माग गर्दै आएका छन् । राप्रपा र मिश्रको वैचारिक लाइन मिलेपछि पार्टी एकताको प्रक्रिया सुरु भएको थियो ।
पार्टी एकताघोषणा सभामा बोल्दै राप्रपाका निवर्तनमा अध्यक्ष पशुपति शमशेर राणाले अब पार्टी अध्यक्ष राजेन्द्र लिङ्देल र रवीन्द्र मिश्रले देशमा नयाँ सिराबाट राजनीति गर्ने विश्वास व्यक्त गरेका छन् ।
राणाले अबको निर्वाचन देशको भाग्य निर्धारण गर्ने मौका भएकाले सदुपयोग गर्न उनले सर्वसाधारणलाई आग्रह पनि गरेका छन् ।
प्रतिक्रिया