काठमाडौं । नेपाली कांग्रेसको शेखर कोइराला समुहले चियापान कार्यक्रम आयोजना गरेको छ ।
आगामी निर्वाचनको समानुपातिक सूचीको टिकट वितरणमा संस्थापन पक्षले एकलौटी गरेको आरोप लगाउँदै आन्दोलनमा रहेको शेखर समुहले आन्दोलनकै निरन्तरतास्वरुप चियापान कार्यक्रम आयोजना गरेको हो । ‘दसैँ तिहारको शुभकामना आदानप्रदानसँगै पार्टीको आन्तरिक एकता, समान अवसर र एकताका लागि’ भनेर चियापान आयोजना गरिएको छ ।
काठमाडौंको बत्तीसपुतलीस्थित एक पार्टीप्यालेसमा भैरहेको चियापानमा यो समुहका नेता, कार्यकर्ताहरु उपस्थित भएकाछन् । कार्यक्रमा शेखर कोइराला, उपसभापति धनराज गुरुङ, महामन्त्री गगन थापालगायतका नेताहरु सहभागी भएका छन् ।
यस्तै, पूर्वपदाधिकारी, केन्द्रीय सदस्य, जिल्ला सभापतिहरू पनि चियापानमा सहभागी भएका छन् ।
शेखर समुहले चियापानलाई संस्थापनको विरोधमा सांकेतिक आन्दोलनको रुपमा लिएको छ । चियापानमा उपस्थित नेता कार्यकर्ताहरुले आफ्नो पार्टीभित्र न्याय खोज्नका लागि लड्नुपरेको बताएका छन् ।
शेखर समुहले समानुपातिको बन्दसूची सच्चाउन संस्थापन पक्षलाई दबाब दिइरहेको छ । चियापानमा सहभागीहरुको आवाजसुनेर थप रणनीति बनाउने शेखर पक्षको योजना रहेको छ ।
चियापान कार्यक्रममा संस्थापन पक्षका नेताहरु उपस्थित भएका छैनन् ।
प्रतिक्रिया