१० श्रावण २०८१, बिहिबार | July 25, 2024

बुटवलका नगर प्रमुख पाण्डेयलाई स्याङ्जामा सम्मान



बुटवल । बुटवल उपमहानगरपालिकाका प्रमुख खेलराज पाण्डेयलाई स्याङ्जाको कालीगण्डकीमा सम्मान गरिएको छ ।
बुटवल उपमहानगरपालिकाको प्रमुखमा निर्बाचित भएपछि पहिलो पटक जन्मस्थल स्याङ्जाको कालिगण्डकी २ कोटाकोट पुगेका पाण्डेयलाई सोमबार स्थानीयले स्वागत तथा सम्मान गरेका हुन् ।

सम्मान कार्यक्रममा बोल्दै नगरप्रमुख पाण्डेले बुटवललाई आर्थिक केन्द्रका रुपमा स्थापित गर्ने योजनाका साथ अगाडि बढेको बताए । उनले निर्वाचित भएपछि आफू जन्मस्थलमा आउन चाहेपनि बजेट निर्माण, बुटवलको मुख्य सडक र ज्योतिनगर पहिरो समस्याका कारण जन्मस्थल आउन ढिलो भएको जनाए । बुटवलको चौराहादेखि गोलपार्क सडक निर्माणको कामको लागि उपमहानगरले सहजिकरण गरेको र सडक निर्माणको काम सम्पन्न हुने तर्फ अगाडि बढेको उनले जानकारी दिए ।

बुटवलसँगै आफ्नो जन्मस्थल कालिगण्डकी गाउँपालिकाको विकासमा आफुले पहल गर्ने पनि उनले बताए । कालिगण्डकी वडा नं. २ का वडाध्यक्ष खगिसरा गाहाको अध्यक्षतामा भएको कार्यक्रममा पुर्ववडाध्यक्ष नर बहादुर राना, नेपाली काँगे्रसका वडा सभापति शमसेर राना, समाज कल्याण युवा परिवारका अध्यक्ष लेखराज पाण्डेय लगायतले कार्यक्रममा बधाई तथा सफलताको शुभकामना दिएका थिए ।
उनीहरुले कालिगण्डकी गाउँपालिकाले सफल नेतृत्व जन्माउन सफल भएको समेत बताए । बुटवलको विकाससँगै कालिगण्डकी गाउँपालिकाको विकासमा पनि प्रभावकारी भूमिका खेल्न प्रमुख पाण्डेयलाई स्थानीयबासीले आग्रह गरेका थिए ।

नगर प्रमुख पाण्डेय सोही अवसरमा स्याङ्गजाको प्रसिद्ध आलमदेवी शक्तिपीठको दर्शन गरेका थिए । उपमहानगर प्रमुखमा निर्वाचित भएपछि पहिलो पटक जन्मस्थल स्याङ्गजाको कालिगण्डकी गाउँपालिका वडा नं. २ कोटाकोट पुगेका पाण्डेय महाअष्टमीको अवसरमा आलमदेवी मन्दिर दर्शनको लागि पुगेका हुन् ।

शक्तिपीठमा पुगेर उनले सबैलाई दशैंको शुभकामना दिँदै बुटवललाई देशकै सबल आर्थिक केन्द्र रुपमा विकास गर्ने प्रतिबद्धता व्यक्त गरे ।

प्रकाशित मिति : १७ आश्विन २०७९, सोमबार  ७ : ४४ बजे

सिमलताल घटनाको खोजीमा देखिएन प्रगति, संयुक्त टोलीबाट खोजी जारी

काठमाडौ+ . चितवनको नारायणगढ–मुग्लिङ सडकखण्डस्थित सिमलतालमा पहिरोसँगै बगेर त्रिशूली नदीमा

पेरिस ओलम्पिक भिलेजमा खाना नपाएको खेलाडीको गुनासो

काठमाडौँ । पेरिस ओलम्पिक भिलेजमा खाना नपाएको गुनासो गरेका छन्

मन्त्रिपरिषद्को पहिलो निर्णय कार्यान्वयनमा प्रधानमन्त्रीको चासो

काठमाडौं । प्रधानमन्त्री केपी शर्मा ओलीले वर्तमान कार्यकालको मन्त्रिपरिषद्को बैठकको

Lumbini escapes being listed as heritage at risk

Kathmandu: The proposal to enlist Lumbini, the birthplace of Gautam

बाढीपहिरो लगायतका विपदमा परी आजसम्म एक सय ३४ जनाको मृत्यु

काठमाडौँ । अविरल वर्षाको कारण गत जेठ २८ गतेदेखि देशका