पर्वत । पर्वतको दुर्लुङगबाट ठुलो परिमाणमा प्रतिबन्धित औषधी सहित २ जना पक्राउ परेका छन् ।
कुश्मा नगरपालिका-७ दुर्लुङग चोक बस्ने ३५ वर्षीय लुपेन्द्र पुन र नवलपरासी सुनौल नगरपालिका(७ बस्ने ३३ वर्षीय विक्रम राना मगरलाई नेपालमा प्रतिबन्धित औषधी डाइजेपाम ४९ एम्पुल, नोर्फिन ४९ एम्पुल र फनारगन ४९ एम्पुल सहित प्रहरीले पक्राउ गरेको हो।
पुनको घरमा अवैध लागूऔषध सेवन तथा बिक्री वितरण भइरहेको भन्ने सूचनाको आधारमा जिल्ला प्रहरी कार्यालय पर्वतबाट खटिएको प्रहरीले कोठामा लुकाई राखेको उक्त लागूऔषध सहित फेला पारी उनीहरूलाई पक्राउ गरेको हो ।
प्रहरीले पक्राउ परेका व्यक्तिहरु उपर थप अनुसन्धान गरिरहेको प्रहरीले जनाएको छ ।
प्रतिक्रिया