काठमाडौं । प्रतिनिधि तथा प्रदेशसभा निर्वाचनमा प्रत्यक्ष तर्फको उम्मेदवारी दर्ता गर्न २ दिन मात्र बाँकी रहँदा निर्वाचन आयोगले उम्मेदवारी दर्ता गर्दा पुरा गर्नु पर्ने प्रतिबद्धताहरुको लिष्ट सार्वजनिक गरेको छ । आइतबार हुने मनोनयन दर्ताका क्रममा उम्मेदवारहरुले १८ वटा प्रतिबद्धतामा हस्ताक्षर गर्नुपर्ने आयोगले जनाएको छ ।
निर्वाचन आयोगले तयार पारेको निर्देशिकामा मनोनयनको दरखास्तसँगै स्वघोषणा पत्रमा पनि हस्ताक्षर गर्नुपर्ने उल्लेख गरिएको छ । १८ विषयवस्तु समावेश स्वघोषणा पत्रमा उम्मेदवारहरुले हस्ताक्षर गर्न अनिवार्य रहेको आयोगको निर्देशिकामा उल्लेख छ।
उम्मेदवारले मनोनयन पत्रका साथमा पेश गर्नु पर्ने स्वद्दोषणामा नेपालको संविधानप्रति पूर्ण निष्ठावान रहेको प्रतिबद्धता, उम्मेदवार आफू ‘पच्चिस वर्ष उमेर पूरा भएको नेपाली नागरिक भएको प्रमाण, मतदाता नामावलीमा उम्मेदवारको नाम समावेश भएको विवरण सहित उम्मेदवार हुने व्यक्ति कुनै संघीय कानूनले अयोग्य नभएको सुनिश्चितता पनि पेश गर्न भनेको छ । तीनवटै तहको सरकार र उनीहरुको स्वामित्व वा नियन्त्रणमा रहेका निकायबाट पारिश्रमिक पाउने गरी पदमा बहाल नभएको, सरकारी कोषबाट पारिश्रमिक वा आर्थिक सुविधा पाउने गरी कुनै लाभको पद धारण नगरेको विवरण पनि स्वघोषणामा उल्लेख गर्नु पर्ने आयोगले जनाएको छ ।
आयोगले मनोनयन पत्र दर्ता गर्ने व्यक्ति प्रतिनिधिसभा सदस्य निर्वाचन ऐन र निर्वाचन आयोग ऐन अनुसार योग्य भएको हुनुपर्ने औंल्याएको छ । अनि, उम्मेदवारले आफू प्रतिनिधिसभा र प्रदेशसभाको समानुपातिक तर्फको बन्दसूचीमा नरहेको पनि स्वघोषणा गर्नुपर्नेछ ।
आयोगले उम्मेदवारहरुलाई ‘कुनै पनि सरकारी निकायलाई जिन्सी वा नगद बुझाउन बाँकी नरहेको’ पनि घोषणा गर्न लगाएको छ । सरकारी पेश्की, बेरुजु तिर्न बुझाउन बाँकी नरहेको हुनुपर्ने पनि उल्लेख गरिएको छ ।
यस्तो छ हस्ताक्षर गर्नुपर्ने स्वघोषणा निर्देशिका :
प्रतिक्रिया