गोरखा । माओवादी केन्द्रका अध्यक्ष पुष्पकमल दाहाल प्रचण्डले प्रतिनिधिसभा सदस्य पदका लागि उम्मेदवारी दर्ता गरेका छन् ।
उनले गोरखा २ बाट उम्मेदवारी दर्ता गरेका हुन् । डा. बाबुराम भट्टराई, नारायणकाजी श्रेष्ठसहित प्रचण्ड निर्वाचन अधिकृतको कार्यालयमा पुगेर मनोनयन दर्ता गरेका हुन् ।
चितवन छाडेर प्रचण्ड उम्मेदवारी दर्ता गर्न गोरखा पुगेका हुन् ।
मनोनयन दर्ताको क्रममा नेपाल समाजवादी पार्टी नेसपाका अध्यक्ष एवं सोही क्षेत्रबाट विजयी पूर्वसांसद भट्टराई र माओवादी केन्द्रका वरिष्ठ उपाध्यक्ष श्रेष्ठ काठमाडौंबाट सँगै गएका थिए ।
प्रचण्ड गोखरा पुग्नेक्रममा आबुखैरेनीबाटै माओवादी नेता कार्यकर्ताले बाजागाजासहित भव्य स्वागत गरेका थिए ।
यो पनि हेर्नुहोस : प्रचण्ड गोरखा पुग्दा स्वागत गर्नेको तछाँडमछाड (फोटो फिचर)
प्रतिक्रिया