नेपालगन्ज । एमाले राप्रपा गठबन्धनलाई काउण्टर दिन जसपा उम्मेदवार मोहम्मद इस्तियाक राईलाई समर्थन गर्नु पर्ने स्थानीय पार्टी कमिटीको प्रस्ताव नेतृत्वले अस्विकार गरेपछि बाँके क्षेत्र नम्बर २ मा माओवादीका नेताहरु बिद्रोह गर्न शुरु गरेका छन् । माओवादीको मुस्लिम मुक्ति मोर्चाका केन्द्रीय अध्यक्ष समेत रहेका माओवादी केन्द्रका केन्द्रीय सदस्य अतहर हुसेन फारुकी सहितका दर्जन बढीका नेताहरु माओवादी परित्याग गरेको घोषणा गरेका छन् ।
फारुकी सहित बाबु खान, माओवादी लुम्बिनी प्रदेश कमिटी सदस्य आदेश अग्रवाल, बाबुखान हलवाई, जुनैद कादरी सहित दर्जन बढी नेताहरुले माओवादीबाट बिद्रोह गरेको घोषणा गरेका हुन् ।
जसपा नेता राईलाई एमाले राप्रपा गठबन्धनबाट हटाएर राप्रपा नेता धवलशम्सेर राणालाई एमालेले सघाउने निर्णय भएपछि माओवादीको स्थानीय कमिटीले राईलाई माओवादीले समर्थन गर्नु पर्ने पार्टीमा प्रस्ताव पठाएका थिए । तर नेतृत्वले सत्ता गठबन्धन छाडेर गएका जसपा नेतालाई पार्टीले समर्थन गर्न नसक्ने जनाएपछि माओवादकिा स्थानीय नेताहरुले बिद्रोह गरेका हुन् ।
प्रतिक्रिया