दाङ । कृष्णबहादुर महराको निर्वाचन क्षेत्रकारुपमा चिनिएको दाङ क्षेत्र नम्बर २ मा गठबन्धनको तर्फबाट माओवादी केन्द्रकी नेतृ रेखा शर्माले उम्मेदवारी दर्ता गराएकी छन् । शर्माले उम्मेदवारी दर्ता गराएपछि दाङ २ मा शर्माको प्रतिस्पर्धा एमाले महासचिव शंकर पोखरेलसँग पर्ने भएको छ ।
उम्मेदवारपिछि प्रतिक्रिया दिँदै शर्माले माओवादीको बलियो संगठन भएको भनिएको सो क्षेत्रमा आफ्नो जित सुनिश्चित भएको बताइन् । उनले महराको विरासत जोगाउन र पार्टीले यस अघि तयार गरेको क्षेत्र नम्बर २ को बाँकी कामहरुलाई पुरा गर्न आफुले जित्न जरुरी भएको बताइन् ।
दाङ क्षेत्र नम्बर २ मा प्रतिनिधिसभामा माओवादी केन्द्रबाट शर्मा तथा प्रदेशसभा (क) बाट कांग्रेसबाट राजु खनाल र (ख)बाट प्रचण्ड न्योपाने गुन्टुले उम्मेदवारी दर्ता गराएका छन् । महराले नयाँ पुस्तालाई अवसर दिने भन्दै टिकट अस्विकार गरेपछि सो क्षेत्रमा माओवादीले शर्मालाई उम्मेदवार बनाउको थियो ।
प्रतिक्रिया