नेपालगन्ज । बर्दिया निर्वाचन क्षेत्र नम्बर १ मा शेखर कोईराला समुहको उम्मेदवारी खारेज गराएर प्रधानमन्त्री देउवा समुहको उम्मेदवारी कायम गराउने प्रयास असफल भएको छ । मुख्य निर्माचन अधिकृतको कार्यालयले शेखर समुहका संजय गौतमको उम्मेदवारीलाई मान्यता दिएसँगै देउवा समुहको प्रयास असफल भएको हो ।
नेपाली कांग्रेसका नेता एवं २०७४ को निर्वाचनमा विजयी सांसद संजय गौतमले नेपाली कांग्रेसको तर्फबाट प्रतिनिधिसभा सदसय पदका लागि उम्मेदवारी दिएकोमा सोही पदका लागि कांग्रेसकै तर्फबाट अरुणसिंह राठोरले पनि उम्मेदवारी दिएका थिए । निर्वाचन कार्यालयले रोठोरको दाबी नपुगेको भन्दै उम्मेदवारी खारेज गरिदिएको छ ।
राठोरको दाबी नपुगेको भन्दै गौतमको उम्मेदवारीलाई मान्यता दिने निर्णय गरिएको जिल्ला निर्वाचन अधिकृत नगेन्द्र लम्सालले बताए । राठोर देउवा प्यानलबाट उम्मेदवार बन्न खोजेका थिए ।
गौतमले २०७४ सालको निर्वाचनमा बाम गठबन्धनका बामदेव गौतमलाई पराजित गरेका थिए ।
प्रतिक्रिया