राजीनामा दिएका कर्मचारीको राजीनामा दिएकै मितिबाट स्विकृत गर : निर्वाचन आयोग

काठमाडौं । निर्वाचन आयोगले आफ्नो पदबाट राजीनामा दिएका सरकारी तथा अर्धसरकारी निकायका कर्मचारीहरुको राजीनामा दिएकै मितिबामट स्विकृत गर्न निर्देशन दिएको छ ।

आयोगले असोज २३ गते पूर्व राजीनामा दिएका नेपाल सरकार, प्रदेश सरकार, स्थानीय तह, कुनै सरकारी वा अर्धसरकारी निकाय वा सार्वजनिक संस्था वा विश्वविद्यालय वा विद्यालय वा नेपाल सरकारको पूर्ण वा आंशिक स्वामित्व भएको संगठित संस्था वा नेपाल सरकारको अनुदान प्राप्त संस्थामा पारिश्रमिक पाउने गरी बहाल रहेको कुनै पदाधिकारी वा कर्मचारीले राजीनामा पेश गरेको भएमा त्यस्तो राजीनामा पेश गरेकै मितिबाट लागू हुने गरी स्वीकृत गर्न निर्देशन दिएको हो ।

राजीनामा स्विकृत गर्न सम्बद्ध सबै निकायलाई निर्देशन दिने र निर्देशन कार्यान्वयनका लागि सहजीकरण गर्न प्रधानमन्त्री तथा मन्त्रिपरिषद्को कार्यालयलाई लेखी पठाउने निर्णय गरेको आयोगले जनाएको छ ।