गठबन्धनले जितेर सरकार बनेपछि धेरै कुरा मिल्न सक्ने : देउवा

बुटवल । नेपाली काँग्रेसका सभापति तथा प्रधानमन्त्री शेरबहादुर देउवाले आगामी निर्वाचनमा गठबन्धनभित्र कुनै पनि शंका–उपशंका वा बहाना नचल्ने बताएका छन् । ५ दलिय गठबन्धनका अगुवा कार्यकर्ताहरुलाई बुटवलमा सम्बोधन गर्दै सभापति दउवाले गठबन्धन दलभित्र एक–अर्कालाई विश्वास दिलाउने गरी काम गर्न आग्रह गरे ।

देउवाले अझै केही वर्ष गठबन्धन आवश्यक रहेको र यसलाई बचाउनु पर्ने उल्लेख गर्दै गठबन्धनले जितेर सरकार बनेपछि धेरै कुरा मिल्न सक्ने जिकिर गरे । उनले एक–आपसमा संका र बेमानी गर्दा ठूलो नोक्सानी व्यहोर्नुपर्ने पनि बताए । ‘आपसमा भ्रम भयो भने सबैभन्दा बढी क्षति हामीलाई नै हुन्छ ।’–देउवाले भने, प्रचण्ड जिलाई पनि विश्वास दिलाउनु छ । संका उपसंका नगरौं ।

उनले गणतन्त्रले जित्ने अपेक्षाकासाथ धेरै नेताहरुलाई उम्मेदवार बन्न ईच्छा जागेको भन्दै लोकतन्त्र रहेमात्र सबै चाहना पुरा हुने बताए । लोकतन्त्र, संबिधान र गणतन्त्रका लागि सबै एक भएर लाग्न उनले आग्रह गरे ।