कपिलवस्तुमा सशस्त्र प्रहरीको मिनी ट्रक दुर्घटना, २ जनाको मृत्यु

बुटवल । कपिलवस्तुमा शसस्त्र प्रहरी सवार ट्रक दुर्घटना हुँदा २ जनाको मृत्यु भएको छ । शुक्रबार साँझ सशस्त्र प्रहरी सवार ट्रक दुर्घटना हुँदा एकजना पैदल यात्रु सहित दुई जनाको मृत्यु भएको हो ।

जिल्लाको बाणगंगा नगरपालिका वाड नं. ३ सिउटीमा भएको सशस्त्र प्रहरीको ट्रक दुर्घटनामा पैदल यात्रु बाणगँगा ३ का स्थानीय अमर संग्रामी मगर र सशस्ब सहायक हवलदार रमेश चौधरीको मृत्यु भएको कपिलवस्तु प्रहरीले जनाएको छ ।

दुर्घटनामा परि ५ जना घाइते भएको र उनीहरुलाई थप उपचारका लागि बुटवल पठाइएको कपिलवस्तु प्हरी प्रमुख प्रहरी उपरीक्षक प्रम बस्नेतले जानकारी दिए । दुर्घटनाका सम्बन्धमा प्हरीले अनुसन्धान सुरु गरेको पनि एसपी बस्नेतले बताए ।