६ श्रावण २०८१, आइतबार | July 21, 2024

पाकिस्तानी दूतावासले मनायो ‘कास्मिर कालो दिवस’



काठमाडौं । नेपालस्थित पाकिस्तानी दूतावासले ‘कास्मिरमा भारतले अतिक्रमण’ गरेको विरोधमा आज ‘कास्मिर कालो दिवस’ स्मरण गरेको छ ।

यो दिवसको अवसर पारेर दूतावासले काठमाडौंमा ‘अवैध नियन्त्रणका परिणाम’हरु नामक छलफल कार्यक्रमको आयोजना गरेको छ । ७५ वर्ष पहिले पचहत्तर वर्ष पहिले, २७अक्टोबर १९४७ मा भारतले ‘गैरकानूनी हस्तक्षेप र अवैध रूपमा जम्मू कश्मीर कब्जा गरेर श्रीनगरमा सेना तैनाथ गरेको विरोध’मा पाकिस्तान र काश्मिरीहरूले यो दिनलाई काश्मिर कालो दिवसका रूपमा मनाउने गर्छन्।

कार्यक्रममा राजनीतिज्ञ, विश्लेषक, विद्वान र संचारकर्मीहरुको सहभागिता रहेको थियो । कार्यक्रममा पाकिस्तानका राष्ट्रपति, प्रधानमन्त्री र परराष्ट्रमन्त्रीले दिएको सन्देश पढेर सुनाइएको थियो ।

आफ्नो सन्देशमा, राष्ट्रपति आरिफ अल्वीले आत्मनिर्णयको अधिकारको लागि न्यायसंगत संघर्षमा कश्मीरीहरूको बलिदानको स्मरण गर्दै मृतकहरुप्रति श्रद्धान्जली अर्पण गरे। राष्ट्रपति अल्वीले भारतीय अवैध रूपमा कब्जा गरिएको जम्मू र कश्मीरमा भारतीय राज्य आतंकवाद, मानव अधिकार उल्लङ्घन र कश्मीरी जनतालाई आर्थिक, राजनीतिक र भूमि अधिकार र क्ष्क्ष्इव्प् को जनसांख्यिकी परिवर्तनबाट वञ्चित गर्न अवैध र एकपक्षीय कार्यहरू गरेको भन्दै विरोध समेत गरेका छन् ।

यस्तै प्रधानमन्त्री मुहम्मद शाहबाज शरीफले कश्मीरी जनताको लागि पाकिस्तानको दृढ समर्थन दोहोर्‍याए। उनले संयुक्त राष्ट्र संघको बडापत्र र संयुक्त राष्ट्र सुरक्षा परिषद्को प्रस्ताव अनुसार कश्मीरी जनताको वैधानिक र अपरिहार्य आत्मनिर्णयको अधिकारको प्राप्ति नभएसम्म पाकिस्तानको ऐक्यबद्धता रहिरहने प्रतिवद्धता पनि जनाएका छन्। प्रधानमन्त्री शरीफले भारतीय सैन्य घेराबन्दी र सञ्चार नाकाबन्दी तुरुन्तै हटाउन माग गरेका छन् ।

प्रधानमन्त्री शरीफले मनमानी ढंगले पक्राउ परेका र गैरकानूनी रूपमा थुनामा रहेका सबैलाई रिहा गर्न आग्रह गरेका छन् । उनले भारतीय अख्तियार सेनालाई दण्डहीनता प्रदान गर्ने कठोर कानूनहरू तत्काल खारेज गर्न पनि आह्वान गरे। उनले अतिक्रमित क्षेत्रमा मानवअधिकारको गम्भीर अवस्थाको छानबिन गर्न अन्तर्राष्ट्रिय मानवअधिकार र मानवीय संस्थाहरूका साथै अन्तर्राष्ट्रिय मिडियाको पहुँचको माग गरे।

यस्तै, विदेशमन्त्री बिलवल भुट्टो जरदारीले आफ्नो सन्देशमा डर विरुद्ध साहस र अत्याचारको विरुद्ध बलिदानको लडाइ रहेको बताए । उनले सबै कास्मिरी शहीदहरूको बलिदान र उनीहरूको दृढताको प्रशंसा गरे । उनले भारतलाई जवाफदेही बनाउन व्यावहारिक कदम चाल्न अन्तर्राष्ट्रिय समुदायलाई आह्वान समेत गरे ।

दूतावासका चार्ज डे अफेयर्स उमेर अलीले लामो समयदेखि चलिरहेको विवादको उत्पत्ति र कश्मीरका जनतालाई उनीहरूको आत्मअधिकारको बारेमाजारी गरिएका सुरक्षा परिषद्का प्रस्तावहरूको स्मरण गरे

कार्यक्रममा बोल्दै, सहभागीहरूले मिडियारसूचना नाकाबन्दी, पेलेट गनको प्रयोग, कश्मीरी नेतृत्वको गिरफ्तारी र भारत सरकारका अन्य अमानवीय कार्यहरूमा चिन्ता व्यक्त गरे । उनीहरुले जम्मु कश्मीर विवादको समाधान नभएको स्थिति दक्षिण एसियामा शान्तिका लागि सबैभन्दा ठूलो चुनौती भएकोमा सहभागीहरूले सहमति जनाएका थिए।

प्रकाशित मिति : १४ कार्तिक २०७९, सोमबार  ८ : ५१ बजे

महिला एशिया कप : पाकिस्तानले टस जित्यो, नेपालले पहिला ब्याटिंग गर्दै

काठमाडौं । जारी महिला एशिया कप अन्तर्गत नेपालविरुद्धको खेलमा पाकिस्तानले

प्रधानमन्त्री ओलीले पाए विश्वासको मत

काठमाडौं । प्रधानमन्त्री केपी ओलीले आज प्रतिनिधिसभाबाट विश्वासको मत प्राप्त

रहरले नभई आवश्यकताले संविधान संशोधनः प्रधानमन्त्री ओली

काठमाडौं । प्रधानमन्त्री केपी शर्मा ओलीले संविधान संशोधनीय दस्तावेज रहेको

नेपाल र चीनबीच पर्वतीय पर्यटन प्रवद्र्धनमा सम्झौता

काठमाडौं । पर्वतीय पर्यटन प्रवद्र्धन प्रयोजनार्थ नेपाल र चीनका दुई