बाँके-३ : चुनाव जिते किस्मत र रत्न महिनामा एक पटक जनताको घर पुग्ने

खजुरा । आगामी मंसिर ४ गते हुने प्रतिनिधिसभा र प्रदेशसभा निर्वाचनको लागि बाँके क्षेत्र नं. ३ का एमाले उम्मेदवार किस्मतकुमार कक्षपति र प्रदेश क का उम्मेदवार रत्नबहादुर खत्रीले आफुहरु जनताको पीरमर्का बुझ्न महिनामा कम्तीमा एक पटक जनताको घरमा पुग्ने प्रतिवद्धता जनाएका छन् । क्षेत्र नं. ३ अन्तरगत बाँकेको बैजनाथ १ चिसापानीका विभिन्न बस्तीमा जनभेटघाटका क्रममा उम्मेदवारद्वयले सो प्रतिवद्धता जनाएका हुन ।

उनीहरु दुबै जनाले जनताको प्रतिनिधि भएपछि विकासको मोडल हेर्न बाँके ३ मा अरु आउने गरी काम गर्ने बताए । प्रतिनिधिसभा उम्मेदवार कक्षपति र प्रदेशसभा उम्मेदवार खत्रीले जनताको शीर ठाडो हुने गरी आफुहरुले काम गर्ने दाहोे¥याए ।

समानुपातिक उम्मेदवार दीपा शर्माले बाँके ३ मा आयातित उम्मेदवार आएको भन्दै जनता त्यसतर्फ सचेत हुनु पर्ने बताइन् । उनले भनिन् जनताका मुद्दा एमालेले बोक्छ त्यसकारण एमालेलाई माया गर्न आग्रह गर्छु । निर्वाचन प्रचार अभियानमा क्षेत्र नं. ३ का चुनावी कमाण्डर बाबुराम गौतम, एमाले प्रदेश कमिटी सदस्य घननाथ खनाल, युवा नेता पुनित विक्रम शाह, प्रेम सुवेदीलगायत स्थानीय नेता कार्यकर्ताहरु एमालेको पक्षमा मत माग्न बैजनाथका स्थानीयको घरदैलो पुगेका थिए ।